Dúniejúzilik azyq-túlik baǵdarlamasynyń (DAB) derekteri boiynsha, ǵalamshardaǵy barlyq azyq-túliktiń úshten biri qoqys jáshigine tastalady, dep habarlaidy "Ult aqparat" BUU resmi saityna silteme jasap.
Ǵalamdyq ekonomika osynyń saldarynan jyl saiyn shamamen trillon dollar joǵaltady.
Ásirese, taǵamdardy molynan qoiatyn merekelik kúnderdegi dastarhandarda ysyrapqy jol berilip keledi. Al as qaldyqtary qoqys tógetin jáshikterge tastalady.
DAB qyzmetkerleri meiramhanalar men dúkenderdi, sondai-aq jurtshylyqty artyq as ázirlemeýge, ony qoqysqa tastamaýǵa shaqyrady.
BUU álemde jyl saiyn 4 milliard tonna azyq-túlik shyǵarylatyndyǵyn, eger tiimdi bólinse jáne oryndy paidalanylsa, munyń ǵalamshardyń barlyq turǵyndaryna jetetindigin eske salady.
