QR Bas sanitarlyq dárigeri Jandarbek Bekshin álemde jańadan paida bolǵan «Iks infektsiiasynyń» qateri týraly aitty, dep habarlaidy QazAqparat.
«Dúniejúzilik densaýlyq saqtaý uiymynyń málimetinshe, jyl saiyn álemde milliardtan astam infektsiialyq aýrýdyń oqiǵalary tirkeledi. Tek sońǵy 20 jylda 30-dan astam jańa ári qaitymdy infektsiia paida boldy. Ózderińiz bilesizder, osyǵan deiin Ebola, koronovirýs infektsiiasy jáne basqa da aýrýlar bolǵanyn bilesizder. Aǵymdaǵy jyly múldem jańa infektsiia paida bolǵanyn atap ótken jón. Oǵan Dúniejúzilik densaýlyq saqtaý uiymy «Iks infektsiiasy» degen ataý bergen edi. Bul jańa qater biyl ǵana shyqty», - dedi Bekshin Ortalyq kommýnikatsiialar qyzmetinde.
Onyń sózine qaraǵanda, bul infektsiia búginde jahandyq ári qaýipti sipatqa ie bolýda. «Iks infektsiiasyn» mamandar tolyqtai zerttep bolǵan joq.
Budan buryn habarlanǵandai, QR Bas sanitarlyq dárigeri Jandarbek Bekshin Eńbekshiqazaq aýdanynda 14 jastaǵy balanyń ólimine qatysty sot-meditsinalyq saraptamadan keiin tiisti qorytyndy shyǵarylatynyn aitty.
