Foto: QR OAM
Qazaqstan pedagogterdiń eńbegin baǵalaý kórsetkishi boiynsha álemde ekinshi orynǵa ie boldy. Bul týraly Oqý-aǵartý ministri Juldyz Súleimenova «Adal bilim – adal urpaq» respýblikalyq forýmynda málimdedi, dep habarlaidy Ult.kz.
Forým Halyqaralyq sybailas jemqorlyqpen kúres kúni aiasynda QR Memlekettik qyzmet isteri agenttigimen birlesip uiymdastyryldy. Sharaǵa Agenttik tóraǵasy Darhan Jazyqbai, Ǵylym jáne joǵary bilim ministri Saiasat Nurbek, rektorlar, mektep ókilderi men salalyq sarapshylar qatysty.
Ministrdiń aitýynsha, mundai jetistik Memleket basshysy Qasym-Jomart Toqaev bastamashy bolǵan reformalardyń naqty nátijesin kórsetedi.
«TALIS 2024 halyqaralyq zertteýiniń qorytyndysy boiynsha, Qazaqstan pedagogterdiń eńbegin baǵalaý jóninen álem elderiniń arasynda ekinshi orynda. Mektepterdegi ishki ahýal da jyl saiyn jaqsaryp keledi. Bul – Prezidenttiń bilim salasyndaǵy reformalarynyń tiimdiliginiń dáleli», – dedi Juldyz Súleimenova.
Sondai-aq ministr oqý-aǵartý júiesindegi infraqurylymdyq jańǵyrtý, kadrlyq áleýetti arttyrý, akademiialyq adaldyqty qamtamasyz etý boiynsha atqarylyp jatqan sharalarǵa toqtaldy. Onyń aitýynsha, jasandy intellekt dáýirinde adaldyq qaǵidattaryn saqtaý – bilim sapasyn aiqyndaityn basty talap.
Forým aiasynda Memlekettik qyzmet isteri agenttigi, Oqý-aǵartý ministrligi, Ǵylym jáne joǵary bilim ministrligi jáne Akademiialyq adaldyq ligasy akademiialyq adaldyqty damytýǵa baǵyttalǵan memorandýmǵa qol qoidy. 2026–2027 jyldarǵa arnalǵan Jol kartasy da bekitildi.
