BUU sońǵy jyldary ashyqqan adamdar sanynyń óskenin aityp dabyl qaǵýda. Qazirde álemde 820 million adam ashtyqta ómir súrip jatyr, dep habarlaidy "Ult aqparat" BUU saityna silteme jasap.
BUU Azyq-túlik jáne aýyl sharýashylyǵy uiymy, Halyqaralyq aýyl sharýashylyǵyn damytý qory, Dúniejúzilik azyq-túlik baǵdarlamasy jáne Dúniejúzilik densaýlyq saqtaý uiymynyń birlese ázirlegen baiandamasynda aitylýynsha, ásirese Afrika elderinde ashtyqtan zardap shegip otyrǵandardyń sany ósý ústinde – qara urlyq halqynyń besten biri qara qazan qainata almai otyr. Bul kórsetkish Latyn Amerikasy jáne Karib basseininde shamamen 7 paiyzǵa, al Aziiada 12 paiyzǵa jetken. Eger osy tendentsiia jalǵasa berse, Turaqty damý maqsattarynyń ekinshisi sanalatyn 2030 jylǵa qarai ashtyqty joiý múmkin bolmaidy, dep sanaidy sarapshylar.
Baiandamada 2015 jyly 20,5 million bala salmaǵy az bolyp týǵan. Qýanarlyq derek te bar, sońǵy alty jylda boiy kesheýildep ósetin balalar sany 10 paiyzǵa qysqarǵan.
Mamandardyń aitýynsha, tolyqqandy tamaqtanbaý semizdikke ákep soqtyrýda. 2016 jyly álemde 2 milliardtan astam adamda artyq salmaq bolypty.
1,3 milliard adam, iaǵni álem halqynyń 17 paiyzdan astamynda tolyqqandy tamaqtaný múmkindigi joq.
«Olar ashtyqtan zardap shegip otyrǵan joq, degenmen, olar toiyp tamaq jemegendikten, densaýlyǵy nasharlaýy múmkin», - deidi sarapshylar.
