Eńbek ministrligi jumys berýshilerdi balalar eńbegin zańsyz paidalanbaýǵa shaqyrady, dep habarlaidy "Ult aqparat".
Memlekettik eńbek inspektorlary 2020 jyldyń 5 aiynda kámeletke tolmaǵandardy eńbekke zańsyz tartýdyń - 3, al 2019 jyly - 5 jaǵdaiyn anyqtady. QR Eńbek jáne halyqty áleýmettik qorǵaý ministrligi 12 maýsymda atap ótiletin Dúniejúzilik balalar eńbegine qarsy kúres kúni aiasynda jumys berýshilerdi balalardy jumysqa zańsyz tartpaýǵa shaqyrady.
Bala eńbegi – balanyń densaýlyǵyna qaýip tóndiretin nemese onyń bilim alýyna kedergi keltiretin, densaýlyǵyna, fizikalyq, aqyl-oi, rýhani, adamgershilik jáne áleýmettik damýyna ziian keltiretin jumys.
Halyqaralyq eńbek uiymynyń málimetinshe, álemde 218 million bala jumys isteýge májbúr. Onyń 73 milliony qaýipti eńbekpen ainalysady.
Qazaqstanda 2020-2022 jyldarǵa arnalǵan balalar eńbeginiń eń nashar túrlerin joiý jónindegi is-sharalar jospary aiasynda balalar eńbeginiń eń nashar túrlerin joiý saiasatyn jetildirý, kámeletke tolmaǵandardyń quqyqtary men bostandyqtaryn qorǵaýdy qamtamasyz etý, balalar eńbeginiń eń nashar túrlerin joiý týraly zańnamanyń saqtalýyn tekserý boiynsha jumys júrgizilýde.
Sońǵy 5 jyl ishinde respýblikada temeki jáne maqta salalaryndaǵy balalar eńbegin joiý boiynsha tiimdi sharalar qabyldandy, balalardyń quqyǵyn qorǵaý salasynda tiimdi quqyqtyq baza quryldy.
Qazirgi ýaqytta kámeletke tolmaǵan balalardyń eńbegin paidalaný kóbinese jazǵy demalys kezeńinde oryn alady. Bul kezde 12 jastan 18 jasqa deiingi balalar shaǵyn bizneske tartylady: bazarlarda, kólik jýý jáne avtokólik jóndeý stansalarynda, qoǵamdyq tamaqtaný oryndarynda jáne basqa jerlerde jumys isteidi. Atalmysh jaǵdailarda jii kezdesetin zańbuzýshylyq - eńbek shartynyń bolmaýy.
Elimizde respýblikalyq jáne óńirlik deńgeilerde kez kelgen bala nemese eresek adam qońyraý shalyp, óz problemalary týraly aita alatyn senim telefondary jumys isteidi (Balalar quqyǵyn qorǵaý komitetiniń senim telefony - 74-25-28, Ulttyq telefon jelisi - 150).
Eńbek ministrligi jumys berýshilerdi eńbek zańnamasyn saqtaýǵa jáne tyiym salynǵan balalar eńbegin paidalanýǵa jol bermeýge shaqyrady.
