Ulybritaniiada jinalǵan «Úlken jetilik» elderi keńesiniń kún taqyrybynda "koronavirýstyń jańa shtamy, jahandyq sanitarlyq jaǵdai boldy", dep habarlaidy QazAqparat Euronews aqparat agenttigine silteme jasap.
Birer kún buryn Dúniejúzilik densaýlyq saqtaý uiymy «omikrondy» alańdaýǵa sebep bolatyn qaýipti shtamdar qataryna jetkizdi. Virýs Eýropaǵa Ońtústik Afrika respýblikasynan kelgen. Álemniń kóptegen elderi osy el jáne onyń kórshilerimen áýe qatynasyna shekteý qoiyp nemese múldem toqtatyp otyr.
Jeksenbi kúni jańa shtamm Ońtústik Afrikadan Niderlandyǵa kelip jetken kem degende 13 jolaýshydan anyqtalǵan.
Niderlandy eliniń Densaýlyq saqtaý ministri Hýgo de Ionge: «Árine, biz qatty alańdap otyrmyz, birqatar sarapshylardyń pikirinshe, koronavirýstyń bul nusqasy óte qaýipti bolýy múmkin. DDSU-nyń ony «alańdaýshylyq týdyratyn» dep ataǵany da sondyqtan. Biz shtamnyń aýrýǵa shaldyqqan adamǵa, kovidpen aýyrǵan nemese oǵan qarsy ekpe saldyrtqandardyń immýndyq júiesine qalai áser etetinin ázirge bilmeimiz. Qajetti aqparattyń bolmaýy sebebimen, alańdaýymyzdy oryndy ne orynsyz ekenin bilmei otyrmyz», - dep túsindirdi.
Osy arada, jańa shtamm paida bolǵan eldiń dárigerleri sheteldik áriptesterin alańdamaýyn surady.
Ońtústikafrikalyq meditsina qaýymdastyǵynyń tóraiymy Anjelika Koetzi: «Aýrý belgileri óte álsiz, mundai patsientterdi úiden de emdeýge bolady. Mundaǵy dárigerlerdiń patsientterin ottegine ótkizý qajettiligi týraly estigen emespin», - dedi.
