Mekke shaharyndaǵy qasietti Qaǵbanyń qara tústi matamen kómkerilip turatynyn barlyǵy jaqsy biletin bolar. Degenmen, sol jabyndy matany (kisýa) jylyna bir ret Zýlhidja aiynyń 9-10 kúnderinde aýystyratyny jaily aqparatty kóbiniń bile bermesi anyq.
Qasietti Quran Kárimde «jer betindegi alǵashqy úi» dep ulyqtalǵan Qaǵbany jabýlap qoiý úrdisi Muhammed paiǵambarymyzdyń (s.ǵ.s.) zamanyna deiin de bolǵan. Al, Áz Elshiniń zamanynda kisýa Iemen elinde daiyndalǵan. Keiinnen Omar (r.a.) halifalyǵy tusynda kisýa Mysyr jerinde ázirlenip otyrǵan. Sondai-aq, aýystyrý ýaqyty da ártúrli bolǵan. Mysaly, ál-Mamýn halifa kezinde Qaǵba jabyndysy jylyna úsh ret jańartylsa, ál-Mýtavakkil tusynda ár eki ai saiyn aýystyryp otyrǵan.
Jabyndy matanyń uzyndyǵy – 41 metr. Qara tústi qatty matadan tigiletin jabyndy jalpy segiz bólikten quralady. Mata betine altyn jiptermen «Áli Imran» súresiniń «Negizinen, adam balasy úshin Mekkede alǵash qurylǵan úi –(Qaǵba) búkil álemge múbarak jáne týra jol» aiaty jazylǵan. Jáne de qasietti Qurannyń jeti súresi jazylǵan.
Tómendegi videoda kisýa aýystyrý rásimi kezinde baiqaýsyzda Qaǵbanyń «jalańashtanyp» qalǵan sáti kórsetiledi. Bul oqiǵa 2015 jyly oryn alǵan bolatyn.
