Álem qoǵamdastyǵy Aýǵanstanǵa kómek kórsetý kerek. Bul týraly Aziiadaǵy ózara is-qimyl jáne senim sharalary keńesi Syrtqy ister ministrleriniń 6-kezdesýinde QR Syrtqy ister ministriniń orynbasary Aqan Rahmetýllin aitty, dep habarlaidy QazAqparat.
«Aitarlyqtai alańdaýshylyq týdyryp otyrǵan taǵy bir mańyzdy másele – bul Aýǵanstandaǵy ahýal. Álem qoǵamdastyǵy osynaý kóp qaiǵy-qasiret shekken elge syni sátte kómek kórsetýi tiis. Aýǵan daǵdarysy Aziia elderi arasyndaǵy senim sharalary men ujymdyq jaýapkershilik negizderin nyǵaitý mańyzdylyǵyn kórsetip berdi», - dedi Aqan Rahmetýllin.
Onyń paiymynsha, senim men yntymaqtastyqty nyǵaitpai qaýipsizdiktiń jahandyq jáne óńirlik syn-tegeýirinderin sheshýde shynaiy progresske qol jetkizý óte qiyn.
«Osyǵan orai Qazaqstannyń AÓISShK-ge tóraǵalyǵynyń basymdyqtaryna sáikes biz AÓISShK keńistigindegi qaýipsizdikti, beibitshilikti, ekonomikalyq, áleýmettik jáne mádeni damyýdy odan ary nyǵaitý úshin bar kúsh-jigerimizdi jumsaýǵa daiynbyz»-, dedi QR Syrtqy ister ministriniń orynbasary.
