WBA nusqasy boiynsha orta salmaqtaǵy «ýaqytsha» álem chempiony kishi Kris Iýbenk Gennadii Golovkinge qarsy jekpe-jekke shyǵýdy armandaidy, dep jazady Sports.kz saity.
Aty ańyzǵa ainalǵan kishi Roi Djonstyń basshylyǵymen jattyǵyp júrgen britandyq boksshy jaqynda nemistiń Team Sauerland promoýterlik kompaniiasymen kelisimshartqa qol qoiyp, sonyń kómegimen mansabynda kóterilýge nietti.
«Bitpegen isti aiaqtaityn kez keldi. Promoýterlerim men bas tarta almaityn usynys jasady. Qazirgi kezde naǵyz babymdamyn jáne nómiri birinshi úmitker bolyp turmyn. Jańa jattyqtyrýshym, jańa promoýterim bar, bul óz jemisin beredi. Men ringte Golovkinmen shyǵýdy qalaimyn», - dep málimdedi britandyq boksshy The Independent-ke bergen suhbatynda.
Iýbenktiń promoýteri Kalle Zaýerland qaramaǵyndaǵy sportshynyń 2021 jyly jekpe-jekteriniń kestesin josparlap, bul tizimge GGG-men aiqasty kirgizýge úmittenip otyr.
«Iýbenk ringke sáýir aiynda, odan keiin jazda jáne jyldyń sońynda shyǵady. Bizdiń josparymyz osy. Biz Golovkin jáne Kell Brýkpen judyryqtasýdy kózdep otyrmyz – bul tamasha jekpe-jek bolar edi», - dep qosty ol.
