Polshada ótken jastar arasyndaǵy álem chempionatynda júldeger bolǵan qazaqstandyq boksshylar aqshalai syiaqy alady. Bul týraly Qazaqstan boks federatsiiasynyń atqarýshy direktory Maratbek Myqtybekov málim etti, dep habarlaidy "Ult aqparat" Sports.kz-ke silteme jasap.
«Otandyq boksshylardyń kásibi boksqa aýysýyna jáne jekelegen promoýterlik kompaniialardyń qazirdiń ózinde talantty boksshylarymyzǵa qyzyǵýshylyq tanytýyna qatysty qaýipterge keletin bolsaq, men, eń aldymen, óz Otanyna degen patriotizm bolý kerek dep sanaimyn. Bul da jas sportshylardy tárbieleýdiń bir bóligi. Bizdiń uiymshyl, tatý komandamyz bar, osy jerde men Qairat Satjanov bastaǵan jattyqtyrýshylar shtabyna osyndai orta qurǵany úshin alǵys aitqym keledi. Árine, federatsiia tarapynan biz sportshylarymyz úshin týrnirlerge, daiyndyqqa qajetti jaǵdailardy jasaimyz.
Budan bólek, boksshylarmen kezdesýde Qazaqstan boks federatsiiasynyń basshysy Keńes Raqyshev iri týrnirlerde tabysty óner kórsetkeni úshin bizdiń boksshylar aqshalai kótermeleýler alatynyn, bul da otandyq sportshylarǵa jaqsy yntalandyrý bolatynyn aitty. Jastar arasyndaǵy álem chempionatyndaǵy jetistik te budan tys qalmaidy», - dedi Myqtybekov.
Eske salaiyq, bokstan ótken jastar arasyndaǵy álem chempionaty Polshanyń Keltse qalasynda ótken bolatyn. Týrnirden qazaqstandyq sportshylar eki altyn, eki kúmis medal oljalap qaitty.
