Búgin Reseidiń Ekaterinbýrg qalasynda ótip jatqan bokstan Álem chempionatynda sharshy alańǵa jeti qazaqstandyq shyǵady, dep habarlaidy "Ult aqparat".
9 qyrkúiek kúni alaýy tutanǵan álem birinshiliginde qazaq bylǵary qolǵap sheberleri jeńilissiz kele jatyr. Chempionatqa Qazaqstan ulttyq quramasynan 8 salmaq dárejesi boiynsha 8 boksshymyz qatysýda. Atap aitar bolsaq, 52 kelide Sáken Bibosynov, 57 kelide Qairat Eraliev, 63 kelide Zákir Safiýllin, 69 kelide Abylaihan Júsipov, 75 kelide Tursynbai Qulahmet, 81 keli salmaqta Bekzat Nurdáýletov, 91 kelide Vasilii Levit jáne asa aýyr salmaqta komanda kapitany Qamshybek Qońqabaev el namysyn qorǵaýda.
Búgin, iaǵni 17 qyrkúiekte jeti salmaq dárejesi boiynsha 1/8 finaldyq kezdesýler ótedi.
Kúndizgi sessiia (Nur-Sultan ýaqytymen 16:00-de bastalady):
A ring:
63 keli - Zákir Safiýllin - Endi Krýs (Kýba)
B ring:
52 keli - Sáken Bibosynov - Ýberchen Martines (Kolýmbiia)
91 keli - Vasilii Levit - Marat Grigorian (Ýkraina)
Keshki sessiia (Nur sultan ýaqytymen 20:00-de):
A ring:
69 keli - Abylaihan Júsipov - Nik Syra (Germaniia)
81 keli - Bekzat Nurdáýletov - Keno Machado (Braziliia)
+91 keli - Qamshybek Qońqabaev - Aiýb Kadfa (Ispaniia)
B ring:
57 keli - Qairat Eraliev - Chatchai Býtdi (Tailand).
