«Álem barysy» álem chempionaty óz máresine jetti. Aqtyq synda otandasymyz Aibek Nuǵymarov Resei palýany Roman Bobikovke ese jiberdi, dep habarlaidy "Ult aqparat".
Esterińizge sala keteiik, ótken jylǵy «Álem barysy» chempionatynda Resei palýany Roman Bobikov Grýziia palýany Gýram Týshishvili boz kilemge shyqpaǵandyqtan, úshinshi oryn alǵan edi. Sol jyldyń 23-24 maýsymynda Batýmide ótken qazaq kúresinen birinshi Eýropa chempionatynda ol 100 keliden joǵary salmaq sanatynda bas júlde alǵan bolatyn.
Buǵan deiin «Álem barysy» álem chempionatynyń qola júlde úshin beldesýde otandasymyz Maqsat Isaǵabylov ózbek palýany Mýhsin Hisamiddinovten basym túskenin habarlaǵan edik.
«Álem barysy» chempionatynyń biylǵy júlde qory - 20 million teńge. Jeńimpaz atanǵan balýanǵa 10 mln teńge jáne altyn belbeý, ekinshi oryn iegerine 6 mln teńge jáne úshinshi oryn iegerine 3 mln teńge, sáikesinshe olar kúmis jáne qola belbeýlermen marapattalady. Al, «Jeńiske degen jigeri úshin» syilyǵynyń iegeri atanǵan sportshyǵa 1 mln teńge beriledi. Sondai-aq, jyldaǵy dástúrge sai jankúierler arasynda avtokólik oinatylady.
