Burynǵy QR Densaýlyq saqtaý vitse-ministri Aleksei Tsoi Qazaqstan Respýblikasy Prezidentiniń Is Basqarmasy Meditsinalyq ortalyǵynyń basshysy bolyp taǵaiyndaldy, dep habarlaidy "Ult aqparat". Al, buǵan deiin onyń QR Densaýlyq saqtaý vitse-ministri laýazymynan bosatylǵandyǵy týraly habarlaǵan bolatynbyz.
Aita ketsek, Tsoi Aleksei Vladimirovich 1977 jyly 2 sáýirde Shymkent qalasynda dúniege kelgen.
Sels College (London), Qazaq memlekettik meditsina akademiiasynyń asperantýrasyn, Ońtústik Qazaqstan memlekettik meditsina akademiiasyn, «Dáneker» halyqaralyq quqyq jáne halyqaralyq biznes institýtyn, Resei Federatsiiasy Prezidentiniń janyndaǵy Resei halyq sharýashylyǵy jáne memlekettik qyzmet akademiiasynyń korporativtik basqarý joǵary mektebin jáne Halyqaralyq biznes akademiiasyn bitirgen.
Qalpyna keltirý hirýrgiiasy jáne transplantologiia ortalyǵynyń hirýrg-endoskopisti, QR DSM «Ulttyq ǵylymi meditsinalyq ortalyq» RMK Ishki meditsina ortalyǵynyń jetekshi ǵylymi qyzmetkeri, «Eýraziia respiratorlyq qoǵamy» QB Bas hatshysy, QR Prezidenti Is basqarmasynyń «Qazirgi zamanǵy meditsinalyq tehnologiialardy engizý ortalyǵy» RMK direktory, «QR Prezidenti Is basqarmasynyń meditsinalyq ortalyǵy» MM bastyǵy, Astana qalasy ákimdiginiń «№ 1 qalalyq aýrýhanasy» ShJQ MKK bas dárigeri, Qazaqstan Respýblikasynyń Densaýlyq saqtaý jáne áleýmettik damý vitse-ministri qyzmetterin atqardy. Stendford ýniversitetinde (AQSh), Singapýrda, Máskeýde, Germaniiada, Ulybritaniiada jáne t.b. taǵylymdamadan ótken. PHD, DBA.
2017 jylǵy 17 aqpannan bastap Qazaqstan Respýblikasynyń Densaýlyq saqtaý vitse-ministri bolyp taǵaiyndalǵan bolatyn.
