Elimizdiń Densaýlyq saqtaý ministri Aleksei Tsoi Pfizer vaktsinasynyń baǵasy týraly túsinikteme berdi, dep habarlaidy QazAqparat.
«Baǵa tek Pfizer vaktsinasyna qatysty, al qalǵan vaktsinalardy azamattar tegin ala alady. Atalǵan ekpeni kommertsiialyq kompaniia satyp alyp, ishki naryqta usynady. Ádette shara osylai júzege asady. Mysaly, tumaýǵa qarsy ekpeni memlekettik meditsinalyq uiymdardan da, jeke meditsinalyq uiymnan da alýǵa bolady. Bul da sol sekildi. Jalpy vaktsinany jetkizý men ony saqtaý úlken jaýapkershilikti talap etedi jáne ońai sharýa emes. Jiti baqylaý qajet. Pfizer vaktsinasynyń baǵasyna kelsek, basqa eldermen salystyrǵanda joǵary bolmaidy, qoljetimdi baǵa bolady», - dedi A. Tsoi Úkimet úiinde tilshilerdiń suraǵyna jaýap bere tura.
