Elimizdiń Densaýlyq saqtaý ministri Aleksei Tsoi elimizde Pfizer vaktsinasyn alyp jatqan júkti áielder, emizýli analar men jasóspirimderdiń jaǵdaiy týraly aityp berdi, dep habarlaidy QazAqparat.
«Elimizde epidjaǵdai turaqty. Biz jaǵdaidyń odan ári jaqsarǵanyn qalaimyz. Degenmen koronavirýstyń eshqaida ketpegenin umytpaǵan jón. Eýropada ne bolyp jatqanyn kórip otyrsyzdar, lokdaýn jariialap jatyr. Bul kórshimiz - Reseige de qatysty, sondyqtan biz saqtyq sharalaryn kúsheite túsýimiz kerek. Qazirgi bizdiń maqsat – vaktsina alý qarqynyn jeteldetý. Protsess jaqsy júrip jatyr, ujymdyq immýnitet qalyptasyp keledi», - dedi Tsoi Úkimet úiinde tilshilerdiń suraǵyna jaýap bere otyra.
Sondai-aq ministr elimizdegi Pfizer vaktsinasyn egý jaǵdaiy men onyń baǵasyna qatysty pikir bildirdi.
«Aqyly túrde Pfizer vaktsinasyn alamyn deýshilerge, baǵa jýyrda belgili bolady. Jalpy qazirgi tańda Pfizer ekpesin alý qarqyny josparǵa sai júrip jatyr. Júkti áielder, emizýli analar men balalarda jeńil ótýde. Ázirge keri áseri baiqalmady», - deidi ol.
