Densaýlyq saqtaý ministri Aleksei Tsoi koronavirýsqa qarsy otandyq vaktsina týraly túsinik berdi, dep habarlaidy "Ult aqparat".
«Qazaqstandyq vaktsina klinikalyq zertteýdiń úshinshi kezeńinde, iaǵni vaktsina reglamenttik merzimmen zerttelip keledi. Atap aitqanda, klinikalyq zertteýdiń barlyq kezeńinen ótetin kez kelgen vaktsina osy rásimnen ótedi. Ýaqyt boiynsha bul vaktsinalar uqsas merzimde zertteýmen qamtylady. Otandyq vaktsinanyń synaq merzimi aiaqtalýǵa jaqyndady, osy oraida tiisti qujattardy alǵannan keiin, ony ekpe kúiinde ótkizýge ruqsat etemiz dep josparlap otyrmyz. Shamamen, sáýir aiynyń sońy belgilengen. Klinikalyq zertteýdiń qorytyndysy boiynsha ázirleýshi bizge barlyq qujattardy engizedi dep kútip otyrmyz. Osy qujattardyń nátijesinde sheshim qabyldanyp, vaktsina jappai paidalanýǵa ruqsat etiledi», - dedi ministr Ortalyq kommýnikatsiialar qyzmetinde.
