دەنساۋلىق ساقتاۋ مينيسترٸ الەكسەي تسوي كوروناۆيرۋسقا قارسى وتاندىق ۆاكتسينا تۋرالى تٷسٸنٸك بەردٸ, دەپ حابارلايدى "ۇلت اقپارات".
«قازاقستاندىق ۆاكتسينا كلينيكالىق زەرتتەۋدٸڭ ٷشٸنشٸ كەزەڭٸندە, ياعني ۆاكتسينا رەگلامەنتتٸك مەرزٸممەن زەرتتەلٸپ كەلەدٸ. اتاپ ايتقاندا, كلينيكالىق زەرتتەۋدٸڭ بارلىق كەزەڭٸنەن ٶتەتٸن كەز كەلگەن ۆاكتسينا وسى رەسٸمنەن ٶتەدٸ. ۋاقىت بويىنشا بۇل ۆاكتسينالار ۇقساس مەرزٸمدە زەرتتەۋمەن قامتىلادى. وتاندىق ۆاكتسينانىڭ سىناق مەرزٸمٸ اياقتالۋعا جاقىندادى, وسى ورايدا تيٸستٸ قۇجاتتاردى العاننان كەيٸن, ونى ەكپە كٷيٸندە ٶتكٸزۋگە رۇقسات ەتەمٸز دەپ جوسپارلاپ وتىرمىز. شامامەن, سەۋٸر ايىنىڭ سوڭى بەلگٸلەنگەن. كلينيكالىق زەرتتەۋدٸڭ قورىتىندىسى بويىنشا ەزٸرلەۋشٸ بٸزگە بارلىق قۇجاتتاردى ەنگٸزەدٸ دەپ كٷتٸپ وتىرمىز. وسى قۇجاتتاردىڭ نەتيجەسٸندە شەشٸم قابىلدانىپ, ۆاكتسينا جاپپاي پايدالانۋعا رۇقسات ەتٸلەدٸ», - دەدٸ مينيستر ورتالىق كوممۋنيكاتسييالار قىزمەتٸندە.
