Densaýlyq saqtaý ministri Aleksei Tsoi baspasóz máslihatyna nelikten uzaq ýaqyt boiy shyqpaǵanyn túsindirdi, dep habarlaidy "Ult aqparat".
«Sheshilýi tiis ótkir de ózekti problemalar kóp boldy. Aimaqtarǵa kóp bardyq. Koronavirýs taraǵan oryndardy tekserdik. Aýrýhanalarǵa baryp, áriptestermen kezdestik. Ár aimaqta qandai jumys júrgizilýi kerektigin túsindirdik», - dedi Aleksei Tsoi Ortalyq kommýnikatsiialar qyzmetinde ótken baspasóz máslihatynda.
Ministrdiń aitýyna qaraǵanda halyqaralyq uiymdardyń ókilderimen de birneshe kezdesý ótken.
«Atqarýǵa mindetti sharýalar kóp boldy. Aimaqtyq formatta da kezek kúttirmeitin sharýalar kóp edi. Búgin baspasóz máslihatyn ótkizýdi josparladyq. Aldaryńyzǵa shyqtyq. Sizderdi mazalaǵan máseleler boiynsha suraqtarǵa jaýap berýge daiynbyz», - dep túidi ministr.
