2025 jylǵa qarai jóndeýmen jáne qurylyspen meditsinalyq-sanitarlyq alǵashqy kómektiń 1095 nysany qamtylady. Bul týraly Úkimet otyrysynda QR Densaýlyq saqtaý ministri Aleksei Tsoi málim etti, dep habarlaidy "Ult aqparat".
«Aldaǵy 5 jylda 95 mlrd teńgege 515 ambýlatorlyq-emhanalyq uiymnyń qurylysy josparlanǵan. Onyń ishinde 211 meditsinalyq, 158 feldsherlik-akýsherlik pýnkt, 127 dárigerlik ambýlatoriia men meditsinalyq-sanitarlyq alǵashqy kómektiń 19 emhanasy men ortalyǵy qamtylǵan», - dedi ministr.
Onyń aitýynsha, óńir ákimdikteri meditsinalyq-sanitarlyq alǵashqy kómektiń tozyǵy jetken 580-nen astam nysanynda kúrdeli jóndeý júrgizýdi josparlap otyr. Nátijesinde, 2025 jylǵa qarai jóndeýmen jáne qurylyspen meditsinalyq-sanitarlyq alǵashqy kómektiń 1095 nysany qamtylady.
