Densaýlyq saqtaý ministri Aleksei Tsoi M. Aiqymbaev atyndaǵy asa qaýipti infektsiialar ulttyq ǵylymi ortalyǵyna bardy. Ministr KAMAZ-ǵa tirkelgen shassidegi tórt mobildi zerthanamen tanysty, dep habarlaidy "Ult aqparat".
Zerthanalar sanitariialyq-epidemiologiialyq qyzmetti kúsheitý jáne infektsiialyq aýrýlarǵa, COVID-19 indetine jedel kóńil bólý, indetti der kezinde emdeý sharalaryna daiyndyq aiasynda Densaýlyq saqtaý ministrliginiń qarajaty esebinen satyp alyndy.
PTR zerthanalar ekinshi deńgeili biologiialyq qorǵanys bokstarymen, avtonomdy energiia, shyǵyn materialdarynyń qajetti jiyntyǵymen jabdyqtalǵan. Jyljymaly zerthanalar dalada asa qaýipti infektsiialarǵa zerthanalyq zertteýlerdiń tolyq spektrin oryndaýǵa, derbes jáne infektsiialyq aýrý oshaǵynda meditsinalyq mekeme janyndaǵy issaparǵa jiberilgen statsionarlyq zerthana retinde jumys istei alady.
Aita ketý kerek, bul zerthanalar tolyǵymen Qazaqstanda qurastyrylǵan: shassi «KAMAZ-Injiniring» kompaniiasynda (Kókshetaý qalasy), fýrgon, zerthanalyq jáne qosalqy jabdyqtardy qazaqstandyq «Topol» kompaniiasy (Almaty) jasaǵan.
Buǵan deiin ulttyq ortalyqtyń Jambyl, Aqtaý, Atyraý óńirlik filialdaryna osyǵan uqsas úsh zerthana jiberilgen bolatyn. Bireýi Qazaqstannyń kez-kelgen núktesinde sanitarlyq-epidemiologiialyq sipattaǵy tótenshe jaǵdai kezinde meditsinalyq mekemeler jyldam jaýap berýi úshin rezerv retinde ornalastyrylǵan.
«Koronavirýs infektsiiasynyń ekinshi tolqynyna daiyndyq jónindegi keńeste Memleket basshysy testileý qýatyn arttyrýdy tapsyrdy. Qazirgi ýaqytta elimizde zerthanalyq testileýdiń qýaty táýligine 48 myń testke deiin jetkizildi. Aimaqtarǵa jabdyq jetkizý jáne osyndai jyljymaly zerthanalar satyp alý esebinen biz testileý qýatyn táýligine 63 myń zertteýge deiin arttyra alamyz», - dedi Densaýlyq saqtaý ministri.
Sonymen qatar, A.Tsoi AQIUǴO mamandarymen kezdesti, onda Qazaqstan Respýblikasynyń bioqaýipsizdik jáne halyqty bioqorǵaý saiasatyn damytý máseleleri talqylandy. COVID-19 órshýi múmkin degen aqparat túsken kúnnen bastap AQIUǴO profilaktikalyq jáne epidemiiaǵa qarsy is-shara ázirleýge kiristi.
2020 jyldyń aqpan aiynda AQIUǴO bazasynda PTR test-júiesi ázirlendi jáne qazirgi ýaqytta QR meditsinalyq buiymdardyń memlekettik tiziliminde tirkelgen. Ortalyq jylyna 200 000 zertteýge arnalǵan test júiesin shyǵara alady.
Qazaq ulttyq agrarlyq ýniversitetimen yntymaqtastyqta COVID-19-ǵa qarsy nano-emýlsiialyq adiývant negizinde nano-vaktsina men sýbbirlikti vaktsinany ázirleý boiynsha zertteýler júrgizilýde.
Jalpy, sapar qorytyndysy boiynsha ministr immýnobiologiialyq preparattardyń óndiristik bazasyn keńeitý úshin usynystar engizýdi tapsyrdy, sondai-aq halyqaralyq trening ortalyǵynda asa qaýipti infektsiialar boiynsha qysqa merzimdi oqytý kýrstaryn ashý qajettigin atap ótti.
