Shańǵydan Qazaqstan quramasynyń kóshbasshysy Aleksei Poltoranin Finliandiianyń Lahti qalasynda ótken Álem Kýbogynyń kezeńinde birinshi oryn aldy, dep habarlaidy «QazAqparat».
15 shaqyrymdyq jarys jolyna qazaqstandyq sportshy ózin ábden qairap shyqqan sekildi. Phenchhandaǵy qysqy Olimpiada oiyndarynan keiin Aleksei qalai bolsa da jankúierlerdiń artqan senimin aqtaýy tiis edi.
Jerebe boiynsha Poltoranin 45-shi nómirmen shyǵyp, onyń negizgi eki qarsylasy - reseilik Aleksandr Bolshýnov pen jarys jolynyń iesi Ivo Niskanen edáýir qarsylyq tanytty.
Aleksei qashyqtyqty óte jyldam júrip ótip, 33 minýt 11,9 sekýndta márege jetti. Úshinshi bolyp kelgen Ivo Niskanen bizdiń sportshydan 20,9 sekýnd qana qalyp qoidy. Sońyna deiin kúresken reseilik Alekseiden 9,1 sekýndqa ese jiberdi.
Eske sala ketsek, Phenchhan Olimpiadasynda 50 shaqyrymdyq qashyqtyqta Ivo Niskanen altyn medal ielengen bolatyn. Al Bolshýnov ol jarysta ekinshi kelgen edi. Aleksei bolsa Olimpiada oiyndarynda 40 shaqyrymǵa deiin úshtikte bolǵanymen, máre syzyǵyna jete bere qalyp qoiyp, 15-orynǵa taban tiregen edi.
