Qazaqstan quramasynyń sportshysy Aleksei Poltoranin álem kýbogynda shańǵy jarysynan rekord ornatty, - dep habarlaidy Vesti.kz.
Sloveniianyń Planitsa qalasynda ótip jatqan álem kýbogynyń 15 shaqyrymdyq klassikalyq jeke jarysynda rekord ornatyldy. Poltaranin osy qashyqtyqty 36 minýt 54,7 sekýndta júrip ótti. Ekinshi bolyp 13, 2 sekýndtan soń norvegiialyq Iohannes Hesflot Klebo keldi. Úshtikke Kalle Halvarsson (+42,8) ilindi.
Osylaisha Poltaranin 15 shaqyrymdyq klassikalyq stilde jeke jarysta podiýmǵa kóterilý sany boiynsha rekord ornatty. Jalpy qazaqstandyq karerasynda 14 ret podiýmǵa kóterilgen - bul shveitsariialyq Dario Kolona jáne norvegiialyq Pol Gýnnar Mikkelsplastyń kórsetkishinen bir san artyq.
Sondai-aq, Poltaranin sporttyq mansabynda "klassikalyq 15 shaqyrymdy" jetinshi ret jeńip otyr. Ol áigili shvetsiialyq shańǵyshy Gýnde Svananyń kórsetkishine jetti.
Osy jeńisininiń arqasynda qazaqstandyq shańǵyshy Álem kýbogynyń jalpy kestesinde segizinshi orynnan altynshyǵa kóterildi (656 upai). Munda kóshbasshy - Klebo (1 012 upai). Ekinshi orynda Martin Sýndbiý (875), al úshtikte - Kolonia (807).
Kelesi kezeń 27-28 qańtarda avstriialyq Zeefeld qalasynda ótedi.
