Aleksandr Vinokýrov "Astana" velokomandasynyń sport jetekshisi qyzmetine oralady, - dep habarlaidy Tengrinews.kz.
Astana - Premier Tech saityndaǵy málimetke súiensek, komanda 2022 jylǵy maýsymda óner kórsetýin jalǵastyrady.
"Qazaqstandyq seriktester kelesi maýsymda jobany aktsioner jáne demeýshi retinde jalǵastyratyndaryn rastady. Aleksandr Vinokýrov 2022 jyly komandanyń sport jetekshisi retinde mindetterin qolyna alady jáne veloshabandozdar men personaldy, sondai-aq jobanyń sporttyq qyzmetin úilestirý fýnktsiialaryn ózine alady", - delingen resmi habarlamada.
Velokomanda álemdik velosporttaǵy joǵarǵy liganyń 17-maýsymyna daiyndalyp jatyr. Sait málimeti boiynsha, jaqyn arada kelisimsharttar uzartylyp, jańa shabandozdar kelisimge qol qoiýy múmkin.
Aita keteiik, buǵan deiin 2012 jylǵy Olimpiada chempiony Aleksandr Vinokýrov Astana-Premier Tech velokomandasynyń sport jetekshisi qyzmetinen ketetini habarlanǵan bolatyn. Keiin Aleksandr Vinokýrovtyń ózi "Týr de Frans" qarsańynda qyzmetinen shettetilgenine tańǵalǵanyn aityp, pikir bildirdi.
Astana - Premier Tech ("Astana") - 2007 jyly qurylǵan velosporttan qazaqstandyq kásibi komanda.
