26 tamyzda Minskide Qazaqstannyń Elshisi Ermuhamet Ertisbaev Belarýsiiadaǵy diplomatiialyq missiiasynyń aiaqtalýyna bailanysty Belarýs Respýblikasynyń Syrtqy ister ministri Vladimir Makeimen kezdesti, dep habarlaidy Syrtqy saiasat vedomostvosynyń baspasóz qyzmeti.
Kezdesý barysynda Belarýs Syrtqy ister ministri Qazaqstan-belarýs qatynastaryn damytýǵa qosqan jeke úlesi jáne eki el arasyndaǵy strategiialyq seriktestikti nyǵaitýǵa qosqan úlesi úshin Elshige alǵysyn bildirdi.
Sondai-aq Qazaqstannyń Tuńǵysh Prezidenti – Elbasy Nursultan Nazarbaevtyń 2017 jylǵy qarashada Belarýs Respýblikasyna jasaǵan resmi sapary saýda-ekonomikalyq jáne gýmanitarlyq bailanystardyń keńeiýine yqpal etkenin, ekijaqty yntymaqtastyqtyń basym baǵyttaryn aiqyndaýda sheshýshi mánge ie ekenin atap ótti.
Sonymen birge V.Makei E.Ertisbaevtyń eki el arasyndaǵy mádeni-gýmanitarlyq qatynastardy damytýǵa jáne Belarýste Qazaqstannyń mádeniet kúnderin ótkizýge qosqan qomaqty úlesin atap ótti.
Óz kezeginde qazaqstandyq diplomat Belarýs tarapyna eki el arasyndaǵy yntymaqtastyqty damytýda Elshiliktiń kúsh-jigerine turaqty qoldaý men kómek kórsetkeni úshin rizashylyǵyn bildirdi jáne taraptar arasynda árdaiym jaqsy niet pen ózara tiimdi múddelerge negizdelgen konstrýktivti jumys qarqyny saqtalatynyna sendirdi.
Ol osy jyldyń sońǵy ailaryndaǵy ózara saýdanyń oń dinamikasyn qanaǵattanýshylyqpen atap ótip, Belarýs tarapymen syndarly ózara is-qimyl jasaý arqyly Qazaqstannyń saýda balansy oń baǵytta ózgeretinine úmit bildirdi.
Aldaǵy ekijaqty is-sharalardyń kún tártibine, eń aldymen, Belarýs Prezidenti Aleksandr Lýkashenkonyń 2019 jyldyń qazan aiynda Qazaqstanǵa josparlanǵan saparyna erekshe nazar aýdaryldy.
Osy turǵyda V.Makei Belarýs tarapy qazaqstandyq seriktestermen yntymaqtastyqta qarqyndy daiyndyqtar júrgizip jatqandyǵyn atap ótti.
Ol Belarýs tarapynyń usynysy boiynsha jańa ǵimaratta Belarýs Respýblikasynyń Qazaqstandaǵy Elshiliginiń ashylý rásimi qarastyrylatyndyǵyn jáne múddeli belarýs jáne qazaqstandyq kompaniialardyń qatysýymen biznes-forým ótkizýdi josparlap otyrǵanyn atap ótti.
