Jolaýshylar tasymaly» aktsionerlik qoǵamynyń baspasóz qyzmeti jolaýshylar poiyzdarynyń qozǵalys kestesindegi ózgerister týraly málim etti, dep habarlaidy "Ult aqparat".
Baspasóz qyzmetiniń málimetterine qaraǵanda, QR aýmaǵynda koronavirýs infektsiiasynyń paida bolýy men taralýyna jol bermeý jónindegi vedomstvoaralyq komissiianyń 2020 jylǵy 24 jeltoqsandaǵy sheshimine sáikes 30 jeltoqsan saǵat 00:00-den bastap Aqmola oblysynyń aýmaǵynda ornalasqan barlyq stansalar boiynsha temirjol biletterin satýǵa jáne jolaýshylardy otyrǵyzýǵa/túsirýge ruqsat etildi.
Sondai-aq, ulttyq tasymaldaýshy 2021 jyldyń 3 qańtarynan bastap «Almaty-2 – Petropavl» qatynasyndaǵy №105/106 júrdek poiyzynyń kún saiyn júretini týraly habarlaidy (burynǵy nómiri №705/706).
«Jolaýshylar poiyzdarynyń qozǵalys kestesi boiynsha ózekti aqparattardy alý úshin «Qazaqstan temir joly» UK» AQ áleýmettik jelilerdegi paraqshalary men Bilet.railways.kz saityna tirkelýlerińizdi suraimyz. Sondai-aq, jolaýshylar poiyzdarynyń qozǵalys kestesi boiynsha barlyq anyqtamalyq aqparatty «105» nómiri arqyly alýǵa bolady. Koronavirýs infektsiiasynyń taralýy kezeńinde jolaýshylarǵa temirjol biletterin onlain rásimdeýdi, karantin talaptaryn, áleýmettik qashyqtyqty jáne vokzal aýmaǵy men poiyz ishinde betperde rejimin qatań saqtap júrýlerińizdi suraimyz»,-delingen habarlamada.
