Foto: yandex.kz
Aldaǵy alty-jeti jylda Almatydaǵy zirattarda adam jerleitin oryn qalmaidy, - dep habarlaidy Almaty qalasynyń kommýnaldyq infraqurylym jáne turǵyn úi inspektsiiasy basqarmasy .
Almaty qalasynyń kommýnaldyq infraqurylym jáne turǵyn úi inspektsiiasy basqarmasy málimetinshe, qazirgi ýaqytta qalada 70 zirat bar, onyń 61-i qala ákimi qaýlysynyń negizinde jabylǵan.
"Qalǵan zirattardaǵy bos aýmaqtar 60 gektar bolady, olar aldyn ala esep boiynsha aldaǵy 6-7 jyl ishinde tolyp qalady", – dep habarlady basqarma ókilderi.
Basqarmada Almatyda jańa zirattar qai jerde jáne qashan ashylatyny jáne olardyń qansha orynǵa esepteletini naqtylanbady. Aita keteiik, Almatyda dástúrli jerleý túrine balama ázirge joq.
Quny 1,5 milliard teńge bolatyn krematorii dástúrli jerleýmen qatar taǵy bir balama bola alar edi, biraq ázirge ol toqtap tur. Qurylysy aiaqtalǵannan keiin birneshe ai boiy eshbir memlekettik organ ony óz balansyna alǵysy kelmedi, sebebi qoldanystaǵy sanitarlyq erejelerde krematorii qyzmetin retteitin normalar joq.
Almaty ákimdigi málimetinshe, qazirgi ýaqytta sheshim qabyldanǵan: krematoriiler qyzmetin normativtik retteý qarastyrylǵanǵa deiin nysandy kútip-ustaýmen qalalyq qoǵamdyq densaýlyq basqarmasy ainalysady.
