Sinoptikter 29 aqpan jáne 2 naýryz aralyǵyna arnalǵan aýa raiy boljamyn jariia etti, dep habarlaidy "Ult aqparat" Qazgidrometke silteme jasap.
«Qazaqstanǵa qar, burqasyn ákelgen Arktikalyq sýyq aǵyndardy antitsiklon almastyrady. Kúntizbe boiynsha qystyń sońǵy demalys kúnderinde jáne kóktemniń birinshi kúninde respýblikanyń kóptegen oblystarynda jaýyn-shashynsyz, jyly aýa raiy bolady, ainalanyń kórinýi nasharlatatyn tuman kútiledi», delingen boljamda.
Al batys oblystarda kezekti aǵyndar kóship kelip, munda bultty jáne jaýyn-shashyndy aýa raiy, kóktaiǵaq jáne ekpindi jel kútiledi. Qazaqstannyń barlyq aimaqtarynda temperatýra ortasha kópjyldyqtan joǵary bolady.
