Qazgidromet aldaǵy úsh kúnge aýa raiy boljamyn usyndy, dep habarlaidy "Ult aqparat".
Qazaqstanǵa yǵysqan sýyq antitsiklon kóptegen oblysta temperatýranyń tómendeýin alyp keldi.
"Aldaǵy táýlikte atmosferalyq úrdisterdiń qaita qurylýy bastalyp, Iran aýdanynan jyly aýa massalary yǵysatyn bolady. Ol respýblikanyń shyǵysynda aýa temperatýrasynyń joǵarylaýyna yqpal etedi", — deidi sinoptikter.
Edil jaqtan batys aimaqtarǵa atmosferalyq fronttar yǵysyp, jańbyr jáne qar aralas jaýyn jaýady. Batysta aýa temperatýrasy ádettegi normadan 2-4 gradýsqa tómen bolady dep boljanyp otyr.
