Sinoptikter 5-7 naýryz kúnderiniń aýa raiy boljamyn jariialady, dep habarlaidy "Ult aqparat" Qazgidrometke silteme jasap.
«Naýryz aiynyń alǵashqy demalys kúnderi aýa temperatýrasy Qazaqstannyń búkil aýmaǵynda klimattyq normadan 7...13°S, batys óńirlerde 1...3°S joǵary boldy. Respýblikanyń batys jáne qiyr soltústigindegi aýdandardy qospaǵanda, eń joǵary aýa temperatýrasy nólden joǵary boldy», - delingen habarlamada.
Aldaǵy úsh kúnde kópshilik oblystaǵy aýa raiynyń qalyptasýyna burynǵysynsha aýa aǵyndary yqpal etedi, olar soltústik jáne shyǵys óńirlerde qar jaýyp, boran soǵýyna jáne kóktaiǵaqqa sebepshi bolady. Qazaqstannyń qalǵan aýmaǵynda qar aralas jańbyr jaýyp, ońtústikte negizinen jańbyr jaýady.
