Sinoptikter 14-16 qańtar aralyǵyna arnalǵan aýa raiy boljamyn usynady, dep habarlaidy "Ult aqparat" «Qazgidromet» RMK baspasóz qyzmetine silteme jasap.
Reseidiń arktikalyq jiegi arqyly tsiklondar birinen keiin biri yǵysyp, Atlant muhitynan jyly jáne ylǵaldy aýa ala keledi. Osy tsiklondardyń áserinen atmosferalyq fronttar Qazaqstan arqyly jyljyp, qar jaýady, burqasyn kóteriledi. Batystan kúshti jel soǵady.
Aldaǵy úsh táýlikte respýblikanyń kóptegen oblystarynda kún bultty, jaýyn-shashyndy bolady. Soltústik oblystarda - burqasyn, ońtústikte – tuman jáne kóktaiǵaq saqtalady.
Aýa massalarynyń batysqa aýysýy áserinen Qazaqstannyń soltústik jartysynda - aýa temperatýrasy ortasha kópjyldyq mánnen joǵary, ońtústik jartysynda - normaǵa jaqyn bolady.
