Qazaqstannyń bes óńirinde kún sýytýyna bailanysty eskertý jariialandy, dep habarlaidy "Ult aqparat" «Qazgidromet» RMK-ǵa silteme jasap.
24 qyrkúiek túnde Soltústik Qazaqstan oblysynyń kei jerlerinde 1-3 gradýs sýyq bolady. Petropavlda 24 qyrkúiekte túnde topyraqtyń betki qabatynda 1-3 gradýs úsik júredi. Kúnniń kúrt sýytý yqtimaldyǵy 90-95%.
25-26 qyrkúiekte túnde Qaraǵandy oblysynyń kei jerlerinde 1-3 gradýs sýyq bolady.
24 qyrkúiek kúni túnde Qostanai oblysynyń kei jerlerinde 1-3 gradýs sýyq bolýy múmkin. Qostanai qalasynda soltústik-batys, batys baǵyttan jel soǵyp, onyń jyldamdyǵy 15-20 m/s-ke jetedi. Kúnniń sýytý yqtimaldyǵy 90-95%.
24 qyrkúiekte Aqtóbe oblysynda batys, ońtústik-batystan jyldamdyǵy 15 m/s bolatyn jel soǵady. Túnde jáne tańerteń tuman túsedi. Kúnniń kúrt sýytý yqtimaldyǵy 90-95 %.
24 qyrkúiekte Aqmola oblysynda kún kúrkirep, burshaq jaýady. Túnde jáne tańerteń tuman túsedi. 25-26 qyrkúiekte túnde 1-3 gradýs sýyq bolady. 24 qyrkúiekte Kókshetaýda naizaǵai oinap, batys, ońtústik-batystan jyldamdyǵy 15-20 m/s, túnde ekpini 23-28 m/s bolatyn jel soǵady. 25-26 qyrkúiekte túnde topyraqtyń betki qabaty 1-3 gradýsqa deiin sýidy.
