Sinoptikter 25-27 aqpanǵa arnalǵan aýa raiy boljamyn jariialady, dep habarlaidy "Ult aqparat" Qazgidrometke silteme jasap.
«Aldaǵy kúnderi Sibir antitsiklony yqpalymen jaýyn-shashynsyz aýa-raiy saqtalady, biraq Qazaqstannyń kóptegen aimaqtarynda túnde jáne tańerteń kóriný qashyqtyǵy 500 metrden tómen tuman túsýi yqtimal. Respýblikanyń batys aimaqtaryna jaýyn-shashyn jáne kóktaiǵaq ákeletin atmosferalyq aǵyndar yǵysýda. Bul fronttardy Atlant muhitynan keletin kezekti tsiklon ákeledi. Sondyqtan jaýyn-shashynmen qatar aýa temperatýrasy joǵarylaidy. Aǵyndardyń batystan shyǵysqa kóshýine bailanysty Qazaqstannyń qalǵan bóliginde de jaýyn-shashyn men kóktaiǵaq kútiledi», delingen habarlamada.
Sinoptikterdiń málimetine, aldaǵy úsh táýlikte aýa temperatýrasy klimattyq normadan 4...12°C anomaldy joǵary bolady.
