Qazgidromet aldaǵy úsh kúnge arnalǵan aýa raiy boljamyn usyndy, - dep habarlaidy "Ult aqparat".
Atmosferalyq frontaldy bólikterdiń áserinen Qazaqstannyń basym bóliginde turaqsyz aýa raiy saqtalady.
"Aldaǵy úsh kúnde birqatar óńirde jańbyr jaýady. Túnde respýblikanyń ońtústik-shyǵysyndaǵy taýly aimaqtarda jaýyn-shashyn (jańbyr, burqasyn) kútiledi. Tek respýblikanyń soltústigi, ortalyǵy jáne shyǵysy áli de soltústik-batys yqpalynda bolyp, jaýyn-shashynsyz bolady, túnde 5 gradýsqa deiin aiaz kútiledi", - delingen habarlamada.
Kúndizgi aýa temperatýrasyna keletin bolsaq, elimizdiń ońtústiginde 35 gradýs, soltústikte, shyǵysta, ortalyqta 15-25 gradýsqa deiin ystyq bolady.
