Qazgidromet 25, 26 jáne 27 qańtarǵa arnalǵan aýa raiy boljamyn jariialady, - dep habarlaidy "Ult aqparat".
Sinoptikterdiń boljamynsha, Qazaqstannyń basym bóliginde jaýyn-shashyn, qar, jel jáne batys, soltústik, ortalyq jáne shyǵys óńirlerde burqasyn bolady.
"Respýblikanyń ońtústigi men ońtústik-shyǵysynda kóktaiǵaq bolady. Túnde jáne tańerteń kei jerlerde tuman túsedi. 27 qańtarǵa qarai kúndizgi aýa temperatýrasy kóteriledi: batys óńirlerde 0 gradýsqa deiin, soltústik, ortalyq óńirlerde 7 gradýsqa deiin aiaz, eldiń shyǵysynda 7 gradýsqa deiin aiaz, ońtústik óńirlerde 10 gradýsqa deiin jyly bolady", - delingen habarlamada.
