«Qazgidromet» RMK 22-24 tamyzǵa arnalǵan aýa raiy boljamyn usynady, dep habarlaidy "Ult aqparat".
«Respýblikanyń soltústiginde jańbyr jáne temperatýranyń tómendeýine yqpal etken sýyq atmosferalyq front ońtústikke jyljyp keledi. Osyǵan bailanysty aldaǵy eki táýlikte soltústik, ortalyq jáne shyǵys oblystarda jańbyr jaýyp, naizaǵai oinaidy. Qatty jel soǵyp, burshaq jaýýy yqtimal. Sondai-aq, ońtústikte naizaǵai oinap, ótkinshi jańbyr jaýýy múmkin. Al, ońtústik-shyǵysta taýly jáne taý bókterinde naizaǵai oinap, jańbyr jaýady jáne osy aralyqta burshaq jaýýy yqtimal. Tek batys jáne ońtústik-batysta aýa raiy jaýyn-shashynsyz bolady. Aýa temperatýrasy burynǵydai klimattyq normadan 3…5°S joǵary», - delingen habarlamada.
