Sinoptikter 4-6 aqpan aralyǵynda aýa raiy qandai bolatynyn aitty, dep habarlaidy "Ult aqparat" «Qazgidromet» RMK baspasóz qyzmetine silteme jasap.
Qazaqstanǵa jyljyp kele jatqan ońtústik tsiklon men atmosferalyq fronttardyń áserinen kóptegen oblystarda qaitadan jaýyn-shashyn, jylbysqy qar jaýady. Soltústik, ortalyq jáne shyǵys oblystarda qar jaýyp, boran soǵady. Kúshti ekpindi jel turyp, kóktaiǵaq bolady.
Jyly aýa massalarynan ońtústik pen batysta aýa temperatýrasy aitarlyqtai joǵarylaidy.
A l aldaǵy táýlikterde temperatýranyń jylymyqqa deiin kóterilýi Qazaqstannyń qalǵan aimaqtarynda da bastalady.
Soltústik, ortalyq jáne shyǵys oblystarda kúndizgi temperatýra minýs 5 - pliýs 5°S deiin, ońtústik jáne batysta pliýs 3…8°S bolady. Qiyr ońtústikte pliýs 15°S deiin boljanyp, ortasha kópjyldyq mánnen 5…14°S-qa joǵary bolady.
