Qazgidromet 18-20 mamyrǵa arnalǵan aýa raiy boljamyn jariialaidy, dep habaraidy "Ult aqparat".
«Apta ortasynda Qazaqstannyń basym bóliginde qubylmaly aýa raiy kútiledi, atmosferalyq frontaldy júielerdiń ótýine bailanysty kei jerlerde kún kúrkirep, shyǵysta, soltústikte, ortalyqta jańbyr jaýady. 20 mamyrǵa jaqyn elimizdiń ońtústik-shyǵysynda kei jerlerde qatty jańbyr jaýady. 19 mamyrdan bastap Salehard aýdandarynan sýyq antitsiklonnyń yǵysýymen kúndizgi aýa temperatýrasy soltústikte ortalyqta tómendeidi. Respýblika boiynsha jekelegen aýdandarda jeldiń kúsheiýi, daýyl kútiledi, burshaq jaýýy múmkin», - delingen habarlamada.
