Qazgidromettiń 2-8 sáýirge arnalǵan boljamy boiynsha, elimizdiń batysynda, ortalyǵynda jáne shyǵysynda aýa temperatýrasy pliýs 23 gradýsqa deiin jylynady. Al soltústiginde kúndiz aýa temperatýrasy pliýs 18°S-qa, ońtústik óńirlerde 28 gradýsqa kóteriledi, dep habarlaidy QazAqparat.
2-8 sáýirindegi aptalyq sinoptikalyq aýa raiy boljamyna sáikes, batystan shyǵysqa qarai kezekti Atlantikalyq tsiklon yǵysa bastaidy. Ol negizinen jańbyr túrinde jaýyn-shashynnyń túsýine jáne aldymen batys pen soltústikte, kezeńniń ortasynan QR qalǵan aýmaǵynda jeldiń kúsheiýine sebepshi bolady.
Qazgidlromet málimetine qaraǵanda, tsiklonnyń artynan Batys antitsiklony aýysady. Ol ózimen birge qysqa merzimge aýa temperatýrasynyń tómendeýine alyp keledi. Osyǵan bailanysty Qazaqstannyń jazyq aýmaqtarynda, atap aitqanda Qaraǵandy, Aqmola, Soltústik Qazaqstan, Qostanai, Aqtóbe, Batys Qazaqstan, Pavlodar oblystary, Shyǵys Qazaqstan oblysynyń ońtústigi men ońtústik-batys bóliginde qardyń qarqyndy erýi, jáne ózenderdegi sý deńgeiiniń kóterilýi kútiledi.
