2021 jyldyń 10 qańtarynda elimizde QR Parlamenti Májilisiniń jáne barlyq deńgeidegi máslihattardyń depýtattaryn sailaý ótetini belgili. Osy oraida Mańǵystaý oblystyq máslihat depýtaty Abbat Órisbaev biylǵy sailaýdyń ereksheligine qatysty pikir bildirdi, dep habarlaidy QazAqparat.
«Sońǵy ailarda koronavirýs infektsiiasynan keiin belsendi talqylanyp júrgen taqyryptardyń biri aldaǵy sailaý naýqanyna qatysty bolyp tur. Máselen, «Nur Otan» partiiasyndaǵy praimerezdiń ózi jańashyldyqtar engizdi. Jalpy, aldaǵy sailaýǵa daiyndyq aiasynda halyqtyń qyzyǵýshylyǵy artty. Osy oraida halyqtyń saiasi saýattylyǵy da joǵarylady desek bolady», - dedi A. Órisbaev.
Osy oraida ol partiialarda aldaǵy naýqanǵa daiyndyq baǵytynda belsendilik artyp kele jatqanyn jetkizdi.
«Atap aitqanda, sailaý aldyndaǵy sharalar kezinde syn da aityldy. Syn bolǵan jaqsy – ol ashyqtyqty jariialaidy. Depýtattyqqa úmitkerlerdiń sapasy artty degen oidamyn. Zaman talabyna sai, bilikti kandidattar kerek ekeni túsinikti ǵoi. Erteń Parlamentte halyq senim artqan kandidat ózekti máselelerdi kótermese, onda nátije bolmaidy. Sondyqtan jaýapkershilikti barshamyz túsinýimiz kerek. Qazirgi kezde úmitkerler áleýmettik jeliler ózderiniń josparlap otyrǵan qadamdaryn jariialap qoidy. Bul turǵyda olar osy josparlaryn oryndaýǵa tyrysady degen oidamyn, óitkeni halyq tarapynan suraý bolady», - dedi sarapshy.
Sonymen qatar, ol partiialyq tizimge jastar men áielderdiń úlesi úshin 30 paiyzdyq kvota bólinýine pikir bildirdi.
«Bul qadamdy tolyq qoldaimyn. Osy rette áielder men jastardyń Parlament pen máslihattar qyzmetine kóbirek qatysýyn qamtamasyz etýge múmkindik beredi. Sapaly reformalar qajet ekeni túsinikti, halyqtyń ózi osyny qajet etedi. Eger mundai sharalar iske asyrylmasa, teris nátije bolýy yqtimal, iaǵni turaqtylyqqa qaýip tónedi. Meniń oiymsha, iske asyrylyp jatqan sharalar ýaqytyly jasalyp jatyr. Bul rette, tsifrlyq tehnologiialar, onlain rejimdegi bailanystar ońtaily nátije berip otyr. Sebebi túsindirý sharalaryna ekpin qoiylyp, sailaýshylardyń belsendigin kóterýge yqpal etedi», - dedi A. Órisbaev.
Onyń paiymynsha, aldaǵy ýaqytta da tiisti reformalardy jalǵastyrý kerek.
«Sailaýdyń ashyqtyǵy úshin úkimettik emes uiymdarmen qatar, árbir azamat jaýapkershilik tanytýy kerek. Baiqaýshyǵa úlken jaýapkershilik júkteledi, ony abyroimen atqarǵan jón. Barlyǵy qoǵamnyń qolynda, barlyq igi qadamdy ózimizden bastaýymyz qajet», - dedi Abbat Órisbaev.
