Prezident Qasym-Jomart Toqaev biylǵy Joldaýynda energiia tapshylyǵy máselesin aldyn alý sharalaryn atady, dep habarlaidy "Ult aqparat".
«Men taǵy bir mańyzdy máselege arnaiy toqtalǵym keledi. Dúnie júzi ónerkásip pen ekonomikany ekologiialyq tazartýǵa bet burdy.
Qazir bul – ánsheiin sóz emes, salyq, baj jáne tehnikalyq retteý sharalary siiaqty naqty sheshimder. Biz odan tys qala almaimyz. Mundai sheshimder eksport, investitsiia jáne tehnologiia transferti arqyly elimizge tikelei áser etedi.
Shyn máninde, bul – Qazaqstannyń ornyqty damýy máselesi. Sondyqtan men 2060 jylǵa qarai kómirteginen arylý mindetin júktep otyrmyn.
Bul baǵytta óte baiyppen jumys isteý kerek. Keń-baitaq elimizdiń turǵyndar sany da, ekonomikasy da ósip keledi. Ósim sapaly bolý úshin qýat kózderi qajet.
Kómir dáýiri birtindep kelmeske ketip bara jatqan zamanda jańǵyrtylatyn energiiaǵa qosa, biz senimdi bazalyq qýat kózderin oilastyrýǵa tiispiz.
Qazaqstanda 2030 jylǵa qarai elektr qýatynyń tapshylyǵy paida bolady.
Álemdik tájiribege qarasaq, munyń eń ońtaily sheshimi – beibit atom. Bul – kúrdeli másele. Sondyqtan qaýesetke senip, emotsiiaǵa berilmei, ony barynsha tiimdi sheshýimiz kerek.
Úkimet pen «Samuryq-Qazyna» bir jyldyń ishinde Qazaqstanda qaýipsiz ári ekologiialyq taza atom energetikasyn damytý múmkindigin zertteýge tiis.
Bul máselege injenerlik salany damytý jáne atom salasyndaǵy bilikti injener mamandardyń jańa býynyn qalyptastyrý múmkindigi turǵysynan da qaraý qajet.
«Jasyl» sýtegi óndirisi, jalpy sýtegi energetikasy – bolashaǵy zor baǵyttar.
Úkimetke osy másele boiynsha da usynys ázirleýdi tapsyramyn», - dedi Memleket basshysy.
