Sinoptikter 6-8 tamyzǵa arnalǵan aýa raiy boljamyn jariia etti, dep habarlaidy "Ult aqparat" Qazgidrometke silteme jasap.
Sinoptikterdiń boljaýynsha, atmosferalyq aǵyn bólikterdiń ótýine bailanysty aldaǵy úsh táýlikte Qazaqstannyń basym bóliginde qubylmaly aýa raiy kútiledi, naizaǵaily jańbyr, kúshti jel, daýyl soǵýy yqtimal, burshaq jaýýy da múmkin.
«Elimizdiń ońtústik jáne ońtústik shyǵysynda kún raiy ashyq jáne 35…42°S deiin qatty ystyq bolady. 6 tamyzda Iran aimaǵynan keletin jyly aýa massalary saldarynan batys jáne soltústik batys óńirlerden basqa jerlerde, elimizdiń basym bóliginde qatty ystyq kútiledi, sonan soń Mýrmansk aimaǵynan salqyn aýa massalarynyń aǵynymen elimizdiń soltústik batysynda, soltústiginde jáne ortalyǵynda aýa temperatýrasynyń kúndiz 20-25 gradýsqa deiin birtindep tómendeýi kútiledi, kei jerlerde 30 gradýs jyly bolady», delingen boljamda.
