Sinoptikter 26, 27 jáne 28 sáýirge arnalǵan aýa raiy boljamyn usyndy, - dep habarlaidy "Ult aqparat".
Boljamǵa sáikes, aldaǵy kúnderi el aýmaǵyna antitsiklon keledi. Bul - jaýyn-shashynnyń toqtaýyna jáne aýa massalarynyń belsendi jylynýyna yqpal etedi: kúndiz elimizdiń soltústiginde 13-18-den 20-25 gradýsqa deiin jyly, ortalyqta 8-18-den 15-23 gradýsqa deiin jyly, ońtústikte 18-28-den 23-30 gradýsqa deiin jyly, batysta 20-28 gradýs jyly, shyǵysta 10-18 gradýs jyly, al ońtústik-shyǵysta 17-25 gradýs jyly bolady.
"Respýblikanyń batysy men taýly, taý bókterindegi aýdandarynda, atmosferalyq frontal bólikterdiń ótýine bailanysty naizaǵai jarqyldap, jańbyr jaýady. Ortalyqta, shyǵysta jáne taýly aimaqtarda túnde jáne tańerteń tuman boljanady, Qazaqstannyń ońtústiginde, ońtústik-batysynda qumdy daýyl men jel kúsheiedi", - delingen habarlamada.
