Foto: Pexels.com
«Qazgidromettiń» boljaýynsha, aldaǵy úsh kúnde kún kúrt sýytady. Elimizdiń kóp bóliginde kún raiy qubylmaly bolady, ońtústik-batysta, ońtústikte, ońtústik-shyǵysta qar aralas jańbyr jaýady.
Eldiń soltústiginde, shyǵysynda jáne ortalyǵynda boran soǵyp, kóktaiǵaq bolady, jel kúsheiedi. 12 qarashada Shyǵys Qazaqstan oblysynda, 12-13 qarashada respýblikanyń ońtústik-shyǵysyndaǵy taýly aýdandarda qalyń qar jaýady, al 13 qarashada Qazaqstannyń ońtústiginde jańbyr aralas qar jaýýy yqtimal.
Tek eldiń batysynda, 14 qarashada eldiń ońtústiginde kún ashyq bolady.
Batys oblystarda aýa temperatýrasy túnde 0-den -11 gradýsqa sýytady. Soltústik-batys, soltústik, ortalyq óńirlerde túnde minýs 8-18, minýs 3-15 gradýsqa deiin sýytady, kúndiz minýs 5-12, 0-8 aralyǵynda bolady. 13 qarashada shyǵysta aýa temperatýrasy túnde -10-25-ke kúrt tómendeidi, kúndiz 5-16 gradýs sýyq bolady. 14 qarashada túnde 7-20 gradýs aiaz, kúndiz 2-13 gradýs sýyq bolady.
Elimizdiń ońtústiginde, ońtústik-shyǵysynda aýa temperatýrasy birtindep tómendeidi, túnde +6 -6 gradýs, kúndiz +3 - 5 gradýs aralyǵynda bolady.
