Foto: pixabay.com
Sinoptikter 13-15 shildede aýa raiy qandai bolatyny týraly boljam jasady, - dep habarlaidy "Ult aqparat".
Meteorologtar boljamynsha, aldaǵy táýlikterde Qazaqstan aýmaǵy arqyly ótetin batys tsiklonyna bailanysty 14-15 shildede soltústik-batysta naizaǵai oinap, ekpindi jel soǵyp, burshaq jaýýy múmkin. 15 shildede eldiń soltústiginde nóser jańbyr jaýady dep kútiledi. Respýblikanyń ońtústiginde, ońtústik-shyǵysynda jáne ońtústik-batysynda antitsiklonnyń áserinen aýa raiy jaýyn-shashynsyz.
"13 shildede ońtústikte, 13-14 shildede soltústik-shyǵysta, ońtústik-shyǵysta, Qazaqstannyń ortalyǵynda 45 gradýsqa deiin qatty ystyq bolady. Respýblika aýmaǵynda tótenshe órt qaýpi saqtalady. Kúndizgi aýa temperatýrasynyń tómendeýi soltústikte jáne ortalyqta 30 gradýsqa deiin, ońtústik pen ońtústik-shyǵysta 30-37 gradýsqa deiin ystyq bolady. Respýblikanyń batysynda 25-35 gradýs jyly", - delingen habarlamada.
