Qazgidromet 6-9 qazan aralyǵyna arnalǵan aýa raiy boljamyn usyndy, - dep habarlaidy "Ult aqparat".
Sinoptikterdiń málimetinshe, aptanyń ekinshi jartysynda Qazaqstannyń basym bóligi keń aýqymdy antitsiklonnyń yqpalynda bolyp, soltústik, ortalyq oblystarda jyly aýa raiy saqtalady.
Skandinaviia túbeginen batystan shyǵysqa aýysatyn tsiklonnyń áserinen aptanyń sońyna qarai elimizdiń soltústik jáne ortalyq aimaqtarynda naizaǵai oinap, jańbyr jaýady, soltústikte túnde jańbyr sońy qarǵa ainalýy múmkin. Kúndiz batys oblystarda burshaq jaýýy múmkin. Respýblikanyń ońtústiginde frontaldy bólikterdiń ótýimen kún kúrkirep, taýly aimaqtarda jańbyr jaýyp, qarǵa ulasady. Respýblikanyń barlyq aýmaǵynda túnde tuman kútiledi.
