Qazgidromet 11-13 maýsymǵa arnalǵan aýa raiy boljamyn usyndy, - dep habarlaidy "Ult aqparat".
Sinoptikter boljamy boiynsha, Soltústik-batys jáne Ońtústik tsiklondary birigip, respýblika aýmaǵynda aýa raiy turaqsyz sipatta saqtalady. Jańbyr jaýady, 11-12 maýsymda respýblikanyń ońtústigi men ońtústik-shyǵysynyń taýly aimaqtarynda naizaǵai oinap, jel kúsheiedi, burshaq jaýýy múmkin. Ońtústik-batysta, ońtústikte qumdy daýyl kútiledi.
"Respýblikanyń batysynda, soltústik-batysynda aýa temperatýrasy kúndiz 22-30-dan 17-26 gradýsqa deiin tómendeidi, ońtústik-batysynda 25-35 gradýsqa deiin jylynady, soltústiginde 20-28-den 25-30 gradýsqa deiin aýytqidy, shyǵysynda 28-37-den 24-33 gradýsqa deiin tómendeidi, ortalyǵynda 22-30-dan 27-32 gradýsqa deiin kóteriledi, ońtústikte 35 gradýsqa deiin aptap boljanady, al ońtústik óńirlerinde 25-35-ten 20-30 gradýsqa deiin tómendeidi", - delingen habarlamada.
