"Qazgidromet" RMK sinoptikter aýa raiynyń 5-7 mamyrǵa arnalǵan boljamyn jariialady, - dep habarlaidy "Ult aqparat".
Boljamǵa sáikes, eldiń soltústik aimaqtarynda, ońtústik aimaqtarǵa qaraǵanda áli de kún salqyn bolady. Bul, ońtústik aimaqtarǵa Ózbekstan aýdandarynan keletin jyly aýa massalary men soltústik aimaqtarǵa keletin sýyq aýa massalaryna bailanysty.
"Osylaisha, soltústik-batys antitsiklony áserinen túnde aýa temperatýrasy tómen bolady. Eki aýa aǵyny kezdesip, batys óńirlerde jańbyr (kei jerlerde nóser), naizaǵai, burshaq jáne ekpindi jel bolady dep kútiledi", - delingen habarlamada.
