«Qazgidromet» RMK aldaǵy úsh kúngi aýa raiy boljamyn usyndy, dep habarlaidy "Ult aqparat".
«Bir tsiklonnyń yqpaly aiaqtalmai jatyp, Qazaqstanǵa Reseidiń Eýropalyq bóliginiń soltústik aýmaqtarynan ekinshi tsiklon jyljyp keledi. Ol respýblikanyń basym bóliginde aldaǵy úsh táýliktegi aýa raiyn qalyptastyratyn bolady. Sondyqtan Qazaqstan óńirleriniń deninde qar, burqasyn, ekpindi jel, ońtústik jáne ońtústik-shyǵysta qar aralas jańbyr, qoiý tuman jáne kóktaiǵaq kútiledi. Aýa temperatýrasy tómendeidi», - delingen sinoptikterdiń aqparatynda.
