Qazgidromet 2019 jyldyń 12-14 aqpan aralyǵyna aýa raiy boljamyn jariialady.
Qazaqstandaǵy qatty aiazǵa sebep bolǵan soltústik-shyǵys troposferalyq aýa aǵyndary batys jáne ońtústik-batysqa qarai yǵysqandyqtan, aldaǵy úsh táýlikte aýa temperatýrasy klimattyq mánge jaqyn bolady, deidi sinoptikter.
Elimizdiń ońtústik óńirlerine tsiklon áser etip, ońtústik jáne ońtústik-shyǵysta kún jylynyp, jaýyn-shashyn túsedi. Al qalǵan aimaqtarda antitsiklonnyń yqpalymen aýa raiy jaýyn-shashynsyz, kún ashyq bolmaq.
Iri qalalardaǵy aýa raiy
12 aqpanda Astanada aýa temperatýrasy túnde 21 gradýs aiaz bolsa, kúndiz -11 gradýsqa deiin kóterilip, qar jaýady. Almatyda túnde 3 gradýs jyly, kúndiz 2 gradýs nólden tómen. Shymkentte túnde 4 gradýs nólden joǵary bolsa, kúndiz +13 gradýsqa deiin jylynady.
13 aqpanda elordada aýa temperatýrasy túnde -14 gradýs, kúndiz -11 gradýs bolady. Almatyda túnde 7 gradýs aiaz, kúndiz 4 gradýs nólden tómen. Shymkentte túnde +5 gradýs bolsa, kúndiz 11 gradýs jyly bolyp, jańbyr jaýady.
14 aqpanda Astanada túnde 18 gradýs aiaz, kúndiz 10 gradýs nólden tómen. Ońtústik astanamyzda túnde 4 gradýs sýyq, al kúndiz 1 gradýs jyly. Shymkentte túnde +6 gradýs, kúndiz +3 gradýs jylylyqty kórsetip, táýlik boiy jańbyr toqtamaidy.
