"Qazgidromet" RMK ókilderi aldaǵy kúnderge aýa raiy boljamyn jariia etti, - dep habarlaidy "Ult aqparat".
Sinoptikterdiń málimetinshe, aldaǵy kúnderi elimizdiń batysynda aýa raiy ystyq bolyp, qalǵan aýmaqta jaýyn-shashyn bolady.
"Qazaqstannyń soltústik oblystaryna jyljyp kele jatqan joǵarǵy tsiklon bul aýdandarǵa naizaǵaily, kei jerlerde kúshti jańbyr, sondai-aq, burshaq jaýdyrtyp, daýyldy jeldiń kúsheiýin týdyratyn bolady. Bul tsiklonnyń bariilik shuńqyry jáne onymen bailanysty atmosferalyq fronttar respýblikanyń ortalyq, shyǵys jáne ońtústigine áserin tigizedi. Munda kei jerlerde naizaǵaily ótkinshi jańbyr, kúshti ekpindi jel, keibir aýdandarda burshaq kútiledi. Aýa temperatýrasy klimattyq normaǵa jýyq jáne 1-3 gradýsqa tómen, tek batysta atitsiklonnyń áseri saqtalyp, burynǵysynsha kúndiz aýa 35…42 gradýsqa deiin joǵarylaidy, bul qalypty normadan 3…6 gradýsqa joǵary", - dep habarlady sinoptikter.
